• 2010 წლის ევროფესტივალზე სოფო ნიჟარაძე დღეს იმღერებს

  29.05.2010

  

  55-ე ევროვიზიის სიმღერის კონკურსის ფინალი ნორვეგიის დედაქალაქ ოსლოში დღეს 29 მაისს გაიმართება.
  
  25 ქვეყნის კონკურსანტებს შორის,სოფო ნიჟარაძე ტელენორის სცენაზე მე-13 ნომრად გამოვა.
  
  ევროვიზიის ქართველი კონკურსანტი სიმღერას ,,Shine” ფრანგი მოცეკვავეებისა და ქართველი ბექვოკალისტების თანხლებით შეასრულებს.
  
  ქართველი მომღერლისთვის ხმის მიცემა მხოლოდ საზღვარგარეთ მცხოვრებ მსმენელს სპეციალურად მითითებულ ნომერზე შეეძლება.
  
  ევროვიზია 2010-ის გამარჯვებულის ვინაობა ფინალურ ტურში გაირკვევა.
  
  ევროვიზიის სიმღერის კონკურსს საქართველოს საზოგადოებრივი მაუწყებელი პირდაპირი ეთერით - 23:00 საათზე გადასცემს.
  
  55-ე ევროვიზიის სიმღერის კონკურსში 39 ქვეყანა მონაწილეობდა. ფინალში 5 ქვეყანა - ავტომატურად, ხოლო პირველი და მეორე ნახევარფინალების შედეგად 20 ქვეყნის კონკურსანტები მოხვდნენ.
  
  სოფო ნიჟარაძე სიმღერით ,,Shine” მსოფლიოს წინაშე მეორე ნახევარფინალურ საღამოზე 27 მაისს წარდგა და ტური წარმატებით გაიარა.